Gipahibalo ang tanang residente nga ang Barangay Bato nagpadayon sa Profiling Update pinaagi sa Barangay Integrated System (BIS). Ang atong mga Barangay Health Workers (BHWs) maoy moduol ug manuktok sa inyong panimalay aron magkuha sa gikinahanglang impormasyon sa matag indibidwal ug panimalay.
Mga kaayohan sa Barangay Integrated System (BIS):
β
Mas paspas ang pagproseso sa mga dokumento sama sa Barangay Certification, Indigency, Clearance, ug uban pa.
β
Mas sayon ang pagkuha sa datos sa mga naapektuhan sa panahon sa kalamidad aron mapadali ang paghatag sa angay nga tabang.
Sa pagbisita sa inyong panimalay, ang mga BHWs magsul-ob sa ilang opisyal nga ID alang sa inyong kasiguruhan. Mangayo sila sa inyong ID ug mahimong mokuha og hulagway, pirma, ug thumbmark isip kabahin sa kinahanglanon sa sistema.
Ang pag-apil sa profiling boluntaryo lamang ug dili pinugsanay. Apan, ang dili pagpa-profile mahimong makaapekto sa inyong pag-apil sa opisyal nga listahan sa populasyon sa Barangay Bato, nga mahimong hinungdan sa kalisod o kalangan sa pag-avail sa mga serbisyo, ayuda, ug pagkuha sa mga dokumento sama sa Barangay Certificates, Clearance, ug Indigency.
Ang tanang impormasyon nga makolekta pagapanalipdan ug pagadumalahon subay sa Philippine Data Privacy Act of 2012.
Daghang salamat sa inyong kooperasyon ug pagsuporta. Ang Ginoo magapanalangin kanatong tanan. π
#NanayJanethCaresπ
#PadayonJudSaKalamboanπ